Amanota yawe muri Yango

Amanota yawe nk'umugenzi aturuka ku mpuzandengo y'amanota 40 aheruka yatanzwe n'abashoferi bagutwaye. Yego, abashoferi bawe baguha amanota nkuko nawe uyabaha.

Amanota yawe muri yango

Kuki nahawe amanota ku nshuro ya mbere?

Yego, nabyumvise. Ariko se bishobora kugira icyo bihindura ku manota nahawe?

Iyo abashoferi n'abagenzi bita ku bandi neza kandi bakubahana, buri wese arunguka. Niyo mpamvu Yango itanga amahirwe ku mpande zombi yo gusuzuma uko urugendo rwagenze no gusangira ibitekerezo.

Gukurikiza amahame y'ibanze yo kugira ikinyabupfura bishobora gutuma ukomeza kugira amanota meza. Ntuhangayike niba yagabanutse gato. Ntago byoroshye kuba umugenzi utunganye. Kugira ngo tugufashe kunoza imyitwarire yawe, twaguteguriye inama z'ingirakamaro.

Inama zigenewe abagenzi

Ubahiriza igihe

Abashoferi bishimira ko badategereza igihe kirekire umugenzi, by'umwihariko ahantu hatabereye guhagarara. Inama: Niba ubona uri gukerererwa, ni byiza kumenyesha umushoferi umwoherereje ubutumwa.

Tekereza ku mushoferi ugiye kugutwara

Hitamo ahantu bagufata hatabangamiye wowe cyangwa umushoferi wawe. Irinde guhitamo ahantu bagufata hari inzitizi, ahantu hafunganye cyangwa ahantu abashoferi bashobora gucibwa amande yo guhagarara nabi.

Igengesere

Ni ibintu byoroshye: Ntugakubite urugi cyane igihe uri gufunga, ntukajugunye imyanda hasi kandi wirinde kurya no kunywa itabi kugira ngo bitazana impumuro mbi cyangwa bigasiga ibisigazwa by'ibiribwa mu modoka.

Jya ugaragaza imyitwarire myiza

Mwubahane, kandi niba ikiganiro gitangiye gutandukira, ntutinde kugihagarika mu kinyabupfura. Gerageza kwirinda kuvugira kuri telefoni mu ijwi ryo hejuru (niba bidashobora kwirindwa, bimenyeshe umushoferi). Ntuzibagirwe kumusuhuza, kumusezeraho no gushimira umushoferi kuko yagutwaye.

Nibyo!

Biroroshye cyane, si byo se? Kurikiza izi nama zoroheje maze wishimire urugendo rwawe!